Premyer Ligada navbatdagi mavsum ham o‘z poyoniga yetmoqda. Goal nashri Premyer Liga o‘yinlarida zaxiradan maydonga tushib o‘yin taqdirini o‘zgartirishga erishgan futbolchilar o‘nligini tuzib chiqdi. Ulardan ko‘pchiligi futbol muxlislariga juda yaxshi tanish. E’tiboringizga eng kuchli “sehrli tayoqchalar” o‘nligini taqdim qilamiz.
10. Robbi Kin – 13 gol
Yangi asrning dastlabki o‘n yilligida “Tottenxem” Robbi Kin bilan raqobatlasha oluvchi bir qator mohir hujumchilarga ega edi. Dimitar Berbatov, Jermeyn Defo, Darren Bent va Piter Krauchlar klub murabbiylarining tanlovdagi bosh og‘riqlaridan edi.
Kin 36 marta zaxiradan maydonga tushgan. O‘zining eng sermahsul mavsumida u 16 gol urishga erishgan.
9. Viktor Anichebe – 13 gol
Anichebe Premyer Ligada atigi 27 gol urgan va shu sababli ham uni bu ro‘yxatda ko‘rish biroz g‘alati.
29 yoshni qarshilagan hujumchi hali yana o‘z nomini tablolarga yozdirib qo‘yishi mumkin. Nigeriyalik futbolchi Premyer Ligadagi o‘yinlarining 52 %da zaxiradan o‘yinga qo‘shilgan. U “Everton”da eng yaxshi “sehrli tayoqcha” edi.
8. Endi Koul – 13 gol
Koul “Manchester Yunayted”da York va Sheringemlar kabi asosiy tarkibga kirishda qiyinchilikka uchragan. SAF asosiy tarkibni tanlashda haqiqatdan juda qiynalgan.
Koul shunga qaramay Premyer Liganing eng yaxshi to‘purarlari bahsida 3-o‘rinni egallaydi. U butun faoliyati davomida 85 marta zaxiradan maydonga tushgan.
7. Daniyel Starridj – 15 gol
Starridj “Liverpul”da gollar qalashtirib tashlashni boshlagan bir paytda jarohatlar girdobiga tushib qoldi va Premyer Liga tarixidagi eng yaxshi hujumchi bo‘lish orzusini to‘xtatib qo‘ydi.
Jismoniy ko‘rsatkichlari sabab Starridjning Premyer Ligadagi daqiqalari cheklab qo‘yildi va ayni vaqtda u vaqtini “Vest Bromvich”da ijarada o‘tkazmoqda.
6. Piter Krauch – 16 gol
Ma’lum sabablarga ko‘ra eng yaxshi “B reja” bo‘lgan Krauch zaxiradan maydonga tushib 16 gol kiritishga muvaffaq bo‘lgan.
Bo‘ydor hujumchi o‘yin oxirida charchab qolgan himoyachilarni havodagi xujumlarda yengib chiqish taktikasi asosida o‘zini ko‘rsata olgan. U yaqinda buni “Vest Xem”ga qarshi bahsda ham yana bir bor isbotladi.
5. Xavyer Ernandes – 16 gol
Chicharitoning “Manchester Yunated” uchun o‘tkazgan o‘yinlarining yarmidan ko‘pida zahiradan tushirilgan. Super zahira vakili “qizil iblislar” uchun 16 gol kiritgan. 2013-yilda u har 90 daqiqada 0.95 gol kiritgan.
