“Bavariya” klubi darvozaboni Manuel Noyer Germaniya kuboki finalida maydonga tushishi mumkin.

Germaniyalik darvozabon 7 oydan keyin safga qaytdi va hozirda yengil mashg‘ulotlarga kirishgan.

Zaxira darvozaboni Sven Ulrayx o‘z o‘rnini Noyerga bo‘shatib berishga tayyor ekanligini aytdi.

“Albatta, finalda o‘ynashni xohlayman. Jamoamga finalgacha chiqish uchun yordam berdim. Agarda Noyer jismonan tayyor bo‘lsa va unga maydonga tushishiga murabbiy ruxsat bersa, o‘rnimni bo‘shatishga tayyorman.

Noyerga o‘yin amaliyoti kerakligini tushunib turibman. U Germaniya terma jamoasi uchun asqotadi”, - deydi Ulrayx.

Ma’lumot uchun, Germaniya kuboki finali 19 may kuni bo‘lib o‘tadi. Finalda “Bavariya” ”Ayntraxt”ga qarshi o‘ynaydi.