“Бавария” клуби дарвозабони Мануэль Нойер Германия кубоки финалида майдонга тушиши мумкин.

Германиялик дарвозабон 7 ойдан кейин сафга қайтди ва ҳозирда енгил машғулотларга киришган.

Захира дарвозабони Свен Ульрайх ўз ўрнини Нойерга бўшатиб беришга тайёр эканлигини айтди.

“Албатта, финалда ўйнашни хоҳлайман. Жамоамга финалгача чиқиш учун ёрдам бердим. Агарда Нойер жисмонан тайёр бўлса ва унга майдонга тушишига мураббий рухсат берса, ўрнимни бўшатишга тайёрман.

Нойерга ўйин амалиёти кераклигини тушуниб турибман. У Германия терма жамоаси учун асқотади”, - дейди Ульрайх.

Маълумот учун, Германия кубоки финали 19 май куни бўлиб ўтади. Финалда “Бавария” ”Айнтрахт”га қарши ўйнайди.