“MYU”ning sobiq futbolchisi Gari Nevill Aleksis Sanchesning “Old-Trafford”ga ko‘chib o‘tganini tanqid qildi.

“Mourinyo Sanchesni “Manchester Yunayted”ga olib keldi va nimalar bo‘lganini ko‘rdingiz. Futbolchining statistikasiga qarashning o‘zi nima bo‘lganini ko‘rsatib turibdi. Manchesterga ko‘chib o‘tgunga qadar Sanches gollar urayotgandi, golli uzatmalarni amalga oshirayotgandi, keyin esa hammasi tugadi”, dedi Nevill.

Ma’lumot uchun, Sanches qishda “Arsenal”dan “MYU”ga o‘tgandi. U mavsumning birinchi yarmida londonliklar safida 22 ta o‘yinda maydonga tushib, 8 ta gol urgan va 6 ta golli uzatmani amalga oshirgan. “MYU”da esa shu paytga qadar 15 ta o‘yinda ishtirok etib, 3 ta gol urdi va 5 ta golli uzatmaga mualliflik qildi.