“МЮ”нинг собиқ футболчиси Гари Невилл Алексис Санчеснинг “Олд-Траффорд”га кўчиб ўтганини танқид қилди.

“Моуриньо Санчесни “Манчестер Юнайтед”га олиб келди ва нималар бўлганини кўрдингиз. Футболчининг статистикасига қарашнинг ўзи нима бўлганини кўрсатиб турибди. Манчестерга кўчиб ўтгунга қадар Санчес голлар ураётганди, голли узатмаларни амалга ошираётганди, кейин эса ҳаммаси тугади”, деди Невилл.

Маълумот учун, Санчес қишда “Арсенал”дан “МЮ”га ўтганди. У мавсумнинг биринчи ярмида лондонликлар сафида 22 та ўйинда майдонга тушиб, 8 та гол урган ва 6 та голли узатмани амалга оширган. “МЮ”да эса шу пайтга қадар 15 та ўйинда иштирок этиб, 3 та гол урди ва 5 та голли узатмага муаллифлик қилди.