Pepsi Superliga 11-turi doirasidagi «Nasaf» hamda «Paxtakor» o‘rtasidagi uchrashuvdan so‘ng «sherlar» ustozi Shota Arveladze o‘yin haqida fikrlari bilan o‘rtoqlashdi.
- O‘yindan avval bu yerda yorqin futbol bo‘lishi haqida aytgandim. Yaxshi maydon, ajoyib muhit va tajribali murabbiyga ega raqib. Birinchi davrani g‘alaba bilan tugatganimizdan xursandman.
Bunday hujumkor o‘yinlarda jamoalar turlicha harakat qiladi. Ba’zida biz ham qarshi hujumlarda o‘ynay olishimizni ko‘rsatdik.
Mavsum uzoq va har bir o‘yinchida imkoniyat bo‘ladi. Sayfiyev har ikki qanotda harakat qila oladi. Uni yaxshi saviyadagi futbolchi deb hisoblayman va uning jamoamda ekanidan xursandman.
