Pepsi Суперлига 11-тури доирасидаги «Насаф» ҳамда «Пахтакор» ўртасидаги учрашувдан сўнг «шерлар» устози Шота Арвеладзе ўйин ҳақида фикрлари билан ўртоқлашди.
- Ўйиндан аввал бу ерда ёрқин футбол бўлиши ҳақида айтгандим. Яхши майдон, ажойиб муҳит ва тажрибали мураббийга эга рақиб. Биринчи даврани ғалаба билан тугатганимиздан хурсандман.
Бундай ҳужумкор ўйинларда жамоалар турлича ҳаракат қилади. Баъзида биз ҳам қарши ҳужумларда ўйнай олишимизни кўрсатдик.
Мавсум узоқ ва ҳар бир ўйинчида имконият бўлади. Сайфиев ҳар икки қанотда ҳаракат қила олади. Уни яхши савиядаги футболчи деб ҳисоблайман ва унинг жамоамда эканидан хурсандман.
