Pepsi superliga 11-turi doirasidagi «So‘g‘diyona» — «Bunyodkor» uchrashuvi o‘z poyoniga yetdi. Qiziqarli ruhda kechgan bahsda mehmonlar 1:2 hisobida g‘alabaga erishdilar.
O‘yinda hisobni mehmonlar ochishdi. Aniqrog‘i, 39-daqiqada Xurshid G‘iyosovning faol harakatlaridan so‘ng Javlon Ibrohimov 13-14 metrlar uzoqlikdan darvozani aniq nishonga oldi.
Birinchi bo‘lim shu hisobda yakunlandi. Ikkinchi bo‘limda mezbonlar faollikni oshirib hujumlarga zo‘r berishdi va buning natijasida, burchak zarbasidan keyin «qaldirg‘ochlar» jarima maydonchasi ichida yuzaga kelgan pala-partishlikdan ko‘ng Dilmurod Karimov hisobni tenglashtirdi - 1:1.
Lekin mezbonlarning xursandchiligi uzoqqa cho‘zilmadi. 85-daqiqada Sulaymonovning o‘ng qanotdan uzatib bergan to‘pini Rayevas boshi bilan darvozaga joylab qo‘ydi va «Bunyodkor»ni hisobda oldinga olib chiqdi - 1:2.
Yakunda mazkur hisob mehmonlar g‘alabasini ta’minladi.
PEPSI SUPERLIGA. 11-TUR
«SO‘G‘DIYONA» – «BUNYODKOR» - 1:2 (0:1)
Gollar: Dilmurod Karimov (59) - Javlon Ibrohimov (39), Filip Rayevas (85).
So‘g‘diyona: Dilshod Hamroyev, Sardor Qulmatov, Azamat Isroilov, Elyor Orifov, Dilmurod Karimov (Nurullo To‘xtasinov, 65), Doniyor Hasanov, Sardor Azimov, Shohruz Norxonov (Sahob Rashidov, 64), Tohir Shamsiddinov, Izzat Abdullayev (Akmal Xolmurodov, 46), Ruslan Melziddinov
Bunyodkor: Murod Zuhurov, Rustam Ashurmatov, Akrom Komilov, Anvar G‘ofurov, Javlon Ibrohimov, Shahzod Nurmatov (Filip Rayevas, 70), Murod Toshmatov (Sanjar Qodirqulov, 68), Sardor Sobirxo‘jayev, Mirg‘iyos Sulaymonov, Xurshid G‘iyosov, Mirjamol Qosimov (Davronbek Umirov, 77)
Ogohlantirishlar: Sardor Qulmatov (65), Ruslan Melziddinov (79) – Akrom Komilov (52), Xurshid G‘iyosov (63), Rustam Ashurmatov (73), Mirg‘iyos Sulaymonov (83).
