Navbahor - Metallurg jamoalari uchrashuvidan keyin o‘tkazilgan matbuot anjumanida mehmonlar bosh murabbiyi Andrey Shipilov va “Metallurg”ning o‘yinchisi Zafar To‘rayevlar ishtirok etishdi.
“Uchrashuv haqida nima deyishim mumkin, bugun muxlislar chiroyli, hujumkor futbolning shohidi bo‘lishdi. Birinchi taymda aqlli o‘ynadik. Mezbonlarga yaqqol imkoniyat bermadik. Bizda esa aksincha ikkita gollik imkoniyat bo‘ldi. Agar darvozabon bilan yakkama yakka vaziyatni golga aylantira olganimizda yakuniy natija hozir tamomila boshqacha bo‘lardi.
"Navbahor" ikkinchi taymda omadli o‘yinchi almashtirishni amalga oshigdi. Allaniyazov bilan Turg‘unboyev ikkalasi amalda bizni mag‘lubiyatga uchratishdi. Mezbonlarni g‘alaba bilan tabriklayman. Biz esa keyingi o‘yinlar haqida o‘ylashimiz kerak”, - deydi Andrey Sergeevich.
Bugun omadimiz chopmadi. Ikkinchi taymda tashabbusni mezbonlarga boy berib qo‘ydik va mag‘lubiyatga uchradik. Naqbahorchilarni g‘alaba bilan tabriklayman. Kamchiliklar ustida ishlaymiz va keyingi turlarda ishqibozlarimizni xursand etishga harakat qilamiz, deydi Zafar To‘rayev.
