Xabaringiz bor, Rossiyaning Moskva shahrida futbol bo‘yicha Mehribonlik uylari o‘rtasida jahon chempionati bo‘lib o‘tayotgandi.
Ushbu musobaqada ilk marotaba 14-17 yoshdagi O‘zbekiston terma jamoasi ham ishtirok etdi. Bugun futbolchilarimiz finalda Pokiston terma jamoasiga qarshi o‘yin o‘tkazdilar.
O‘yinning asosiy vaqtida 1:1 hisobida durang qayd etildi. Keyin g‘olibni aniqlash uchun penaltilar seriyasiga murojat qilindi. Bu borada omad hamyurtlarimizga kulib boqdi va yakunda yigitlarimiz 6:5 hisobida g‘alaba qozonishdi.
Milliy olimpiya qo‘mitasi ushbu muvaffaqiyat bilan sportchi va murabbiylarimizni tabriklab qoladi.