Хабарингиз бор, Россиянинг Москва шаҳрида футбол бўйича Меҳрибонлик уйлари ўртасида жаҳон чемпионати бўлиб ўтаётганди.
Ушбу мусобақада илк маротаба 14-17 ёшдаги Ўзбекистон терма жамоаси ҳам иштирок этди. Бугун футболчиларимиз финалда Покистон терма жамоасига қарши ўйин ўтказдилар.
Ўйиннинг асосий вақтида 1:1 ҳисобида дуранг қайд этилди. Кейин ғолибни аниқлаш учун пенальтилар сериясига мурожат қилинди. Бу борада омад ҳамюртларимизга кулиб боқди ва якунда йигитларимиз 6:5 ҳисобида ғалаба қозонишди.
Миллий олимпия қўмитаси ушбу муваффақият билан спортчи ва мураббийларимизни табриклаб қолади.
