“Barselona” klubining sobiq futbolchisi Rivaldo vatandoshi Neymar haqida fikrlarini bildirib o‘tdi.
“Dunyoning eng yaxshi futbolchisi bo‘lmoqchimisan? Bu natijaga PSJ bilan erisholmaysan. Bu jamoani Yevropada eng kuchli jamoalaridan biri deya olmayman.
Fransiya ligasi, bu Angliya, Ispaniya yoki Germaniya chempionati emas. Shuning uchun Neymar bu jamoaga o‘tib xato ish qildi.
Lekin moliyaviy tarafdan qarasa bu eng yaxshi klub hisoblanadi. Agar Neymar “Oltin to‘p”ga ega chiqishni xohlasa nima qilishi kerak?
Buning uchun, Chempionlar Ligasida g‘alaba qozonishi shart. To‘g‘ri, uning jamoasi muntazam tarzda milliy chempionatda, Fransiya kubokida g‘alaba qozonib keladi lekin hali tariflab o‘tganimdek bu chempionat darajasi boshqa musobaqalarga qaraganda pastroq”, -deydi Rivaldo.
