Hurmatli saytimiz o‘quvchilari, qadrli hamkasblar, o‘zbek sportiga befarq bo‘lmagan barcha yurtdoshlarimiz uchun ajoyib hushxabar!
Milliy olimpiya qo‘mitasi o‘zbek sportida nafaqat natijalar sifatini oshirish, keng qamrovli islohotlar olib borish, balki, ro‘y berayotgan yangiliklar, qayd etilayotgan natijalarni tezkorlik bilan ommaga yetkazib berishni ham o‘z oldiga maqsad qilib qo‘ygan.
Bugungi kunda smartfonlarimizga o‘rnatilgan mobil ilovalar orqali ma’lumot olish eng tezkor va qulay usullardan biriga aylanib ulgurgan. Bu o‘z navbatida vaqtni tejash imkonini ham beradi. Aholi orasida mobil ilovalarga talab yuqori ekanligini inobatga olgan holda Milliy olimpiya qo‘mitasi sodda va qulay interfeysga ega Android hamda iOS vositalari uchun OlympicUz mobil ilova dasturini ishga tushirdi.
Bu orqali siz:
-O‘zbek sportida ro‘y berayotgan eng so‘nggi va aniq yangiliklardan o‘zbek va rus tillarida xabardor bo‘lish;
-O‘zbekiston Milliy olimpiya qo‘mitasi strukturasi xaqida ma’lumot olish;
-O‘zbekistondagi sport federasiyalari haqidagi to‘liq ma’lumotlarga ega bo‘lish;
-Mediagalereya;
-Muhim sport musobaqlari taqvimi;
-O‘zbek sportchilarining Olimpiya va Osiyo o‘yinlarida qo‘lga kiritgan yutuqlari;
-Xalqaro sport tashkilotlari haqida ma’lumotlar olish imkoniyatiga ega bo‘lasiz.
Ayni paytda dastur test rejimda ishlamoqda. Mobil ilova borasida sizda taklif, fikr va mulohazalar bo‘lsa, ularni ko‘rib chiqishga tayyormiz. Bundan faqat va faqat xursand bo‘lamiz.
Dasturlarni quyidagi havola orqali ko‘chirib olishingiz mumkin:
Shuningdek, ijtimoiy tarmoqdagi sahifalarimizni ham kuzatib boring:
Facebook – facebook.com/nocuzbekistan
Instagram – instagram.com/Olympic.uz
Twitter – twitter.com/Olympicuz
