Ҳурматли сайтимиз ўқувчилари, қадрли ҳамкасблар, ўзбек спортига бефарқ бўлмаган барча юртдошларимиз учун ажойиб ҳушхабар!
Миллий олимпия қўмитаси ўзбек спортида нафақат натижалар сифатини ошириш, кенг қамровли ислоҳотлар олиб бориш, балки, рўй бераётган янгиликлар, қайд этилаётган натижаларни тезкорлик билан оммага етказиб беришни ҳам ўз олдига мақсад қилиб қўйган.
Бугунги кунда смартфонларимизга ўрнатилган мобил иловалар орқали маълумот олиш энг тезкор ва қулай усуллардан бирига айланиб улгурган. Бу ўз навбатида вақтни тежаш имконини ҳам беради. Аҳоли орасида мобил иловаларга талаб юқори эканлигини инобатга олган ҳолда Миллий олимпия қўмитаси содда ва қулай интерфейсга эга Android ҳамда iOS воситалари учун OlympicUz мобил илова дастурини ишга туширди.
Бу орқали сиз:
-Ўзбек спортида рўй бераётган энг сўнгги ва аниқ янгиликлардан ўзбек ва рус тилларида хабардор бўлиш;
-Ўзбекистон Миллий олимпия қўмитаси структураси хақида маълумот олиш;
-Ўзбекистондаги спорт федерациялари ҳақидаги тўлиқ маълумотларга эга бўлиш;
-Медиагалерея;
-Муҳим спорт мусобақлари тақвими;
-Ўзбек спортчиларининг Олимпия ва Осиё ўйинларида қўлга киритган ютуқлари;
-Халқаро спорт ташкилотлари ҳақида маълумотлар олиш имкониятига эга бўласиз.
Айни пайтда дастур тест режимда ишламоқда. Мобил илова борасида сизда таклиф, фикр ва мулоҳазалар бўлса, уларни кўриб чиқишга тайёрмиз. Бундан фақат ва фақат хурсанд бўламиз.
Дастурларни қуйидаги ҳавола орқали кўчириб олишингиз мумкин:
Шунингдек, ижтимоий тармоқдаги саҳифаларимизни ҳам кузатиб боринг:
Facebook – facebook.com/nocuzbekistan
Instagram – instagram.com/Olympic.uz
Twitter – twitter.com/Olympicuz
