"Paxtakor" futbol klubining bosh sarmoyadori hisoblangan "SFI Management Group" kompaniyasi bosh direktori Ulug‘bek Muxamedov bugun tug‘ilgan kunini nishonlamoqda.
"SFI Management Group" kompaniyasi "Paxtakor" futbol klubi bosh sarmoyadoriga aylangach, klub hayotida katta ijobiy o‘zgarishlar kuzatildi. Klub, jamoa va futbol akademiyasining mashg‘ulot o‘tkazishi, yaxshi tayyorgarlikka ega bo‘lishi uchun munosib sharoitlar yaratib berildi. Ulug‘bek Yarkinovich boshqaruvidagi kompaniyaning to‘g‘ri boshqaruvi ostida asosiy jamoa o‘tgan mavsumda 12-pog‘onadan 3-o‘ringa ko‘tarildi, joriy chempionatda esa peshqadamlik qilmoqda.
Ayollar va futzal jamoalari yuqori ligada ishtirok etishni boshlashdi.
Klubni yangi darajaga olib chiqish bo‘yicha katta hajmdagi ishlar amalga oshirildi. Bunda Ulug‘bek Yarkinovich boshqaruvidagi kompaniyaning hissasi sezilarli va ulkan hajmda bo‘ldi.
Tug‘ilgan kuni munosabati bilan Ulug‘bek Yarkinovichni "Paxtakor" futbol klubi rahbariyati va xodimlari nomidan tabriklaymiz. Unga hayoti va faoliyatida salomatlik, muvaffaqiyat, omad va baxt tilab qolamiz.
Tug‘ilgan kun muborak bo‘lsin!
