Corriere dello Sport nashrining xabariga ko‘ra, “Manchester Yunayted” klubi himoyachisi Matteo Darmian “Yuventus”ning yozgi ilk xaridiga aylanadi.

28 futbolchi Darmian “Manchester Yunayted”ga 2015 yilning yozida 13 million yevro evaziga “Torino”dan o‘tgan edi. Himoyachi bu mavsum APLda atigi 8 marta (5 tasi asosiy tarkibda) maydonga tushdi.

Shuningdek, xabarda aytilishicha Darmianning Italiyaga qaytishi “Yuventus” himoyachisi Aleks Sandroning “MYU”ga o‘tishini tezlashtirishi mumkin. “Yuve” “MYU”ga Darmian uchun 13 million yevro to‘laydi. Transfer yaqin kunlarda rasman e’lon qilinadi.