Superliga 12-turidan o‘rin olgan «Qo‘qon-1912» -«Buxoro» uchrashuvidan so‘ng matbuot anjumani bo‘lib o‘tdi. Unda «Buxoro» ustozi Ulug‘bek Baqoyev va jamoa sardori Shavkat Salomovlar ishtirok etib o‘yin haqidagi fikrlari bilan o‘rtoqlashishdi.

- Bugungi o‘yin og‘ir bo‘lishini juda yaxshi bilar edik. Chunki Qo‘qon  jamoasi O‘zbekistonning kuchli jamoalaridan biri ekanidan xabarimiz bor. Lekin shunga qaramay, bor kuchi bilan maydonda bo‘sh kelmay, g‘alaba uchun oxirigacha kurashgan yigitlarimizga rahmat aytaman.SHuningdek, Qo‘qon jamoasining keyingi o‘yinlarida omad tilayman- deydi Ulug‘bek Baqoyev.

Shavkat Salomov - Men avvalo bugungi uchrashuvga uzoq bo‘lishiga qaramay, shuncha masofani bosib kelgan «Buxoro» muxlislariga va yigitlarni shijoati uchun katta rahmat aytaman. Murabbiylar shtabiga ham alohida minnatdorchiligimizni bildiramiz. Chunki  ketma-ket mag‘lubiyatdan  so‘ng jamoani qayta ruhan tayyorlash juda qiyin masala. Lekin murabbiylarimiz buni uddasidan chiqishdi va buni evaziga yigitlar bor e’tiborini o‘yinga qaratib g‘alaba qozondi

«Buxoro» PFK matbuot xizmati