Xabar berib o‘tganimizdek, bugun Butunjahon etnosport konfederasiyasi rahbari, Kamonchilar fondi vasiylik kengashi raisi, Turkiya yoshlar fondi Oliy maslahat kengashi a’zosi Bilol Erdogan va “Turkiya-O‘zbekiston” parlamentlararo do‘stlik guruhi raisi, Turkiya Buyuk Millati Majlisi a’zosi Haydar Ali Yildiz boshchiligidagi katta delegasiya yurtimizga keldi.
Mehmonlar MOQ Prezidenti va O‘FA birinchi vise-prezidenti Umid Ahmadjonov hamda Jismoniy tarbiya va sport vaziri Shoakrom Isroilovlar hamrohligida Toshkentning diqqatga sazovor joylarini borib tomosha qildilar. Ular «Xalqlar do‘stligi» maydoni, Islom Karimov nomidagi ilmiy-ma’rifiy yodgorlik majmuasi hamda Amir Temur hiyoboniga tashrif buyurishdi.