Slalomda eshkak eshish bo‘yicha terma jamoamiz a’zolari yana bir muhim sport bellashuvi arafasida turibdilar. Ertaga, 24 may kuni Toshkent shahridagi Bo‘zsuv kanalida O‘zbekiston Ochiq Kubogining birinchi bosqichiga start beriladi.
Turnirda mamlakatimizning turli hududlar terma jamoalari, sport maktablari va muassasalar, sport kollejlari hamda klublar sportchilari ishtirok etadilar.
O‘tkazilayotgan tadbir eshkak eshishning ushbu turi bo‘yicha milliy jamoamiz a’zolari hamda umidli yoshlarni yanada chiniqtirish, ularning sport mahoratlarini oshirish, shu yil Indoneziyada bo‘ladigan Osiyo o‘yinlari va boshqa xalqaro musobaqalarga puxta tayyorlashga qaratilgan. Kubok musobaqalari 27 mayga qadar davom etadi.
