Слаломда эшкак эшиш бўйича терма жамоамиз аъзолари яна бир муҳим спорт беллашуви арафасида турибдилар. Эртага, 24 май куни Тошкент шаҳридаги Бўзсув каналида Ўзбекистон Очиқ Кубогининг биринчи босқичига старт берилади.

Турнирда мамлакатимизнинг турли ҳудудлар терма жамоалари, спорт мактаблари ва муассасалар, спорт коллежлари ҳамда клублар спортчилари иштирок этадилар.

Ўтказилаётган тадбир эшкак эшишнинг ушбу тури бўйича миллий жамоамиз аъзолари ҳамда умидли ёшларни янада чиниқтириш, уларнинг спорт маҳоратларини ошириш, шу йил Индонезияда бўладиган Осиё ўйинлари ва бошқа халқаро мусобақаларга пухта тайёрлашга қаратилган. Кубок мусобақалари 27 майга қадар давом этади.