23 may kuni Namangan shahrida “Navbahor - Lochinlari” muxlislar dam olish maskani ishga tushirildi. Ushbu maskanning ochilishi munosabati bilan OAV va “Navbahor” PFK vakillari, shuningdek, “Navbahor” jamoasining muxlislari uchun iftorlik dasturxoni yozildi.

Mazkur iftorlik dasturxoniga tashrif buyurganlarga “Navbahor” PFK tomonidan futbolkalar sovg‘a qilindi.  Shuningdek, ushbu tadbir davomida katta monitorda “Navbahor”ning joriy mavsumdagi o‘yinlari roligi namoyish etildi, sevimli jamoamizga bag‘ishlangan qo‘shiqlar yangradi.

Iftorlik yakunida muxlislar nomidan Ikromjon hoji  Dedashev so‘zga chiqib, mazkur iftorlik dasturxoni uchun ushbu dam olish maskani vakillariga o‘z minnatdorchiligini bildirib, endi “Navbahor”ning barcha ishqibozlarini bir joyga jam qiladigan maskan ochilganligi, bu yerda muxlislar uchun barcha sharoitlar yaratilganligi, bundan buyon muxlislar shu yerda to‘planib, bir piyola choy ustida bemalol suhbat qurishlari mumkinligini ta’kidladi.

Qisqasi, “Navbahor” muxlislari endilikda mazmunli dam olish imkoniyatiga ega bo‘ldilar.   

“Navbahor” PFK matbuot xizmati.