23 май куни Наманган шаҳрида “Навбаҳор - Лочинлари” мухлислар дам олиш маскани ишга туширилди. Ушбу масканнинг очилиши муносабати билан ОАВ ва “Навбаҳор” ПФК вакиллари, шунингдек, “Навбаҳор” жамоасининг мухлислари учун ифторлик дастурхони ёзилди.
Мазкур ифторлик дастурхонига ташриф буюрганларга “Навбаҳор” ПФК томонидан футболкалар совға қилинди. Шунингдек, ушбу тадбир давомида катта мониторда “Навбаҳор”нинг жорий мавсумдаги ўйинлари ролиги намойиш этилди, севимли жамоамизга бағишланган қўшиқлар янгради.
Ифторлик якунида мухлислар номидан Икромжон ҳожи Дедашев сўзга чиқиб, мазкур ифторлик дастурхони учун ушбу дам олиш маскани вакилларига ўз миннатдорчилигини билдириб, энди “Навбаҳор”нинг барча ишқибозларини бир жойга жам қиладиган маскан очилганлиги, бу ерда мухлислар учун барча шароитлар яратилганлиги, бундан буён мухлислар шу ерда тўпланиб, бир пиёла чой устида бемалол суҳбат қуришлари мумкинлигини таъкидлади.
Қисқаси, “Навбаҳор” мухлислари эндиликда мазмунли дам олиш имкониятига эга бўлдилар.
“Навбаҳор” ПФК матбуот хизмати.
