Pepsi Superliganing 13-turidan o‘rin olgan “Qo‘qon-1912” – “Qizilqum” uchrashuvi mehmonlarning kichik hisobdagi g‘alabasi bilan yakun topdi.
Bugungi uchrashuvga bo‘lgan qiziqish yuqori edi. Mehmonlar oldingi turda “Loko” maydonida durang o‘ynagan bo‘lsa, mezbonlar kutilmaganda o‘z maydonlarida “Buxoro”ga mag‘lub bo‘lishgandi.
16-daqiqada raqib darvozasi oldida yuzaga kelgan xavfli vaziyat Bahodir Akramovning to‘sinni “nishon”ga olishi bilan yakunlandi.
20-daqiqada mezbon himoyachilar jarima maydonchasi ichida “Qizilqum” futbolchisiga qarshi qo‘pollik ishlatishdi. Bosh hakam esa darvozaga penalti belgiladi. Artur Gevorkyanning zarbasini O‘tkir Yusupov qaytarishga erishdi. 30-daqiqada “Qo‘qon-1912” jarima to‘pi tepish huquqiga ega bo‘ldi. Murod Xolmuhammedovning zarbasini mehmonlar posboni qaytardi.
Birinchi bo‘limning so‘nggi daqiqalarida mehmonlar qarshi hujumdan keyin hisobni ochishga muvaffaq bo‘lishdi. Elguja Grigalashvili qo‘qonliklar darvozasini ishg‘ol etdi. Bu yerda futboldagi yovuz qoida o‘z ishini bajardi - “sen urmasang, senga urishadi”. Taym davomida mezbonlar ko‘plab imkoniyatlarga ega bo‘lishlariga qaramay, raqib darvozasini ishg‘ol etishning uddasidan chiqa olishmagan edi.
65-daqiqada mehmonlar sardori Erkin Boydullayev hakam tomonidan qizil kartochka olib maydonning tark etdi. U Sidiqovni ochiqchasiga urgani uchun qizil kartochka bilan jazolandi. 84-daqiqada Yusupov ikki marta “Qo‘qon-1912”ni muqarrar goldan saqlab qoldi. Uchrashuvning qolgan daqiqalarda mezbonlar hisobni tenglashtirish uchun harqancha harakat qilishmasin, navbatdagi mag‘lubiyatni tan olishga majbur bo‘ldi.
Pepsi Superliga. 13-tur.
“Qo‘qon-1912” – “Qizilqum” – 0:1 (0:1)
Gol: Elguja Grigalashvili – 45+1.
“Qo‘qon-1912”: 1. O‘tkir Yusupov, 4. Bahodir Akramov (18. Bahodir Pardayev-76), 7. Jamshid Hasanov (19. Suhrob Berdiyev -73), 9. Nosir Otaqo‘ziyev, 10. Javohir Sidiqov, 22. Murod Xolmuhammedov, 23. Aleksandr Merzlyakov, 29. Igor Taran (17. Quvondiq Ro‘ziyev-61), 55. Darko Gojkovich, 65. Marko Milich, 96. Muhammadanas Hasanov.
“Qizilqum”: 77. Yevgeniy Cheremisin, 4. Erkin Boydullayev, 5. Giorgi Kvesiyeshvili, 11. Doniyor Usmonov (10. Alisher Sanoyev-71), 14. Fayzulla Qambarov, 17. Artur Gevorkyan, 21. Muhsin Ubaydullayev, 23. Sherali Jo‘rayev, 30. Elguja Grigalashvili, 44. Mirjalol Qosimov, 84. Nemanya Yovanovich.
