Pepsi Superliganing 13-turi doirasida "Lokomotiv" Bekobodda "Metallurg" mehmoni bo‘ldi va 2ta to‘p farqi bilan raqibga imkoniyatni boy berib qo‘ydi.
Uchrashuvdan so‘ng "Lokomotiv" bosh murabbiyi vazifasini bajaruvchi Andrey Fyodorov o‘yin borasidagi fikrlarini bildirib o‘tdi:
- Omad raqibga kulib boqdi. Agar birinchi bo‘limda yaratgan ko‘p sonli vaziyatlarimizni golga aylantirganimizda, biz g‘alaba qozonishimiz tayin edi. Bilasizmi, xuddi xokkeydagi kabi 90 daqiqa "toza o‘yin vaqti"ni tadbiq etib o‘ynash tizimini futbolimizga kiritish kerak chog‘i. Shunda o‘yinlar ham qiziqroq o‘tar, muxlislar ham to‘xtalishlardan zerikib qolishmasmidi, nazdimda, - dedi tajribali mutaxassis
