Futbol bo‘yicha Rossiyada bo‘lib o‘tadigan Jahon Chempionati yaqinlashib kelayotgan bir vaqtda terma jamoalar tayyorgarlikka zo‘r bermoqda.

Fursatdan unumli foydalangan terma jamoalar FIFA kunlari doirasida o‘rtoqlik uchrashuvlarida ishtirok etadi.

Jumladan, Jahon Chempionatida Osiyo qit’asini sharafini himoya qiluvchi Janubiy Koreya ayni damda Honduras termasiga qarshi o‘rtoqlik uchrashuvida ishtirok etmoqda.

Karlush Keyrush boshchiligidagi Eron milliy terma jamoasi esa bugun tunda Turkiyaga qarshi maydonga tushadi.

Osiyo qit’asi nomidan mundialda ishtirok etadigan yana bir terma jamoa — Saudiya Arabistoni esa yaqindagina yangi bosh murabbiy — Roberto Manchini qo‘li ostiga o‘tgan Italiya terma jamoasiga qarshi kurash olib boradi.

Ma’lumot uchun FIFA kunlari doirasida 7 iyun kuni futbol bo‘yicha O‘zbekiston milliy terma jamoasi safarda Urugvay terma jamoasiga qarshi o‘rtoqlik uchrashuvida maydonga tushadi.

O‘rtoqlik uchrashuvlari

28 may, dushanba

Janubiy Koreya — Gonduras 16:00

Bosniya va Gersegovina — Chernogoriya 21:00

Turkiya — Eron 23:15

Portugaliya — Tunis 23:45

Italiya — Saudiya Arabistoni 23:45

29 may, seshanba

Fransiya — Irlandiya 00:00

AQSH — Boliviya 03:30

Meksika — Uels 06:00

Izoh: O‘yinlar Toshkent vaqti bilan ko‘rsatilgan.