"Iftixor" bilan uchrashuvdan so‘ng "Paxtakor" bosh murabbiyi o‘yin haqida fikrlarini bildirib o‘tdi.
- Raqib stadioni tayyor bo‘lmagani sababli qulay sharoitli stadion va sifatli maydonda futbolni o‘ynashni xohladi. Buning uchun ularga rahmat aytaman. Chunki futbolni birinchi o‘rinda yaxshi maydonda o‘ynashga intilish lozim. Pro-liga ishtirokchisi bo‘lgan ushbu jamoaga chempionat uchrashuvlarida omad tilab qolaman.
O‘yinga kelsak, bugun ko‘proq o‘yin amaliyoti kamroq futbolchilarga ishonch bildirdik. Ularning kuchini rasmiy uchrashuvda tekshirib oldik. O‘yin va natija qay darajada harakat qilganimizni ko‘rsatib turibdi.
