"Onalar qurolga qarshi" tashkiloti "Manchester Siti" hujumchisi Rahim Sterlingni Angliya terma jamoasidan chetlatishni talab qilib chiqdi.
Hujumchi oyog‘iga M-16 vintovkasi tasvirlangan tatuirovka urdirgan.
Tashkilot vakili, o‘g‘li otib ketilgan 63 yoshli Lyusi Koup o‘zining noroziligini bildirdi.
"Sterling uyalishi kerak. Tatu dahshatli, bu sharmandalik. Bu quroldan vafot etgan yosh insonlarga hurmatsizlik. Biz uning tatusini lazer bilan o‘chirishini va boshqa tasvir tushirishini talab qilamiz. Agar rad etsa - Angliya termasidan haydalsin. U o‘rnak bo‘lish o‘rniga qurolni reklama qilmoqda", - deydi Lyusi.
