Bugun “Nasaf” O‘zbekiston Kubogi-2018da o‘z yurishini boshlaydi. Bu yilgi O‘zbekiston Kubogi boshqacha tarzda, ya’ni chorak finali ishtirokchilari bitta uchrashuv orqali aniqlanmoqda. Bugun bo‘ladigan O‘zbekiston Kubogi-2018 nimchorak finalida “Nasaf” safarda “AGMK” bilan bahs yuritadi.
O‘zbekiston Kubogi. 1/8 final
“AGMK” – “NASAF”
30.05.2018. OKMK SM. 19:03da
Bosh hakam: Ravshan Ermatov
Qanot hakamlari: Abduhamidullo Rasulov, Jahongir Saidov
Zaxira hakami: Dauletbay Jalimov
Nazoratchi: Islomjon Rahimov
Komissar: Bekzod Oripov.
O‘zingizga ma’lum, “Nasaf” jamoasi shu paytgacha o‘z tarixida olti marta O‘zbekiston Kubogi finalida ishtirok etgan. Faqat 2015 yilgi finalda g‘olib bo‘lgan. Jamomizning hozirgi ustozi Ro‘ziqul Berdiyev esa, bosh murabbiy sifatida “Nasaf” to‘rt marta kubok finaliga olib chiqqan.
“AGMK” jamoasi esa o‘z tarixida 2008 yili O‘zbekiston Kubogining yarim finalida ishtirok etgan. Bu ularning kubok bahslaridagi eng katta yutug‘i bo‘lib turibdi.
Bugungi uchrashuv natijasi ushbu jamoalarning qaysi biri bu yilgi kubok uchun kurashni davom ettirishini aniqlab beradi. Demak, nimchorak ham misli finaldek bellashuv bo‘ladi.
“Ajdarlar” o‘tgan yilgi O‘zbekiston Kubogi uchun kurashni yarim finalda to‘xtatgan edi.
