"Nissa" klubi va Italiya terma jamoasi hujumchisi Mario Balotelli irqchilikka duch kelgan onlarini esladi

"Albatta, oq tanli bo‘lganimda muammolarim kamroq bo‘lar edi. Men uchun 18 yil barcha eshiklar yopiq bo‘ldi. Italiya fuqaroligiga ega bo‘lganimdan so‘ng eshiklar ochildi, ammo munosabatlar o‘zgarmadi.

Bir kuni maktab oshxonasida taom yo‘qoldi. O‘qituvchilar hech qanday surishtiruvsiz mendan ko‘rdilar. Hech qachon esimdan chiqmaydigan yana bir voqea bo‘lgan shundan so‘ng yig‘lamay qo‘ydim.

Uy ishlarimni bajarib bo‘lgach, hovliga bolalar bilan futbol o‘ynagani chiqdim. Men "Salom bolalar, o‘ynaymizmi?" dedim. Ular "Yo‘q, Mario, sen biz bilan o‘ynamaysan" deyishdi. Men ularga uy ishlarimni bajarib bo‘lganimni aytdim, ular shunday dedilar: "Yo‘q, Mario, sen bilan o‘ynamaymiz, chunki sen - qorasan".

Ular men qoraligim uchun qabul qilishmagan edi. Men o‘zimning urishqoq ekanim uchun qo‘shmayaptilar, deb o‘ylagandim. Ammo kechroq hammasini bilib oldim.

Ulg‘ayganimdan so‘ng, 2009 yilda ham irqchilikka duch keldim. "Yuventus" - "Inter" o‘yinida meni "maymun", "niger" deb chaqirishdi va Afrikaga qaytib ketishimni aytishdi", - deydi Balotelli.