"Ницца" клуби ва Италия терма жамоаси ҳужумчиси Марио Балотелли ирқчиликка дуч келган онларини эслади

"Албатта, оқ танли бўлганимда муаммоларим камроқ бўлар эди. Мен учун 18 йил барча эшиклар ёпиқ бўлди. Италия фуқаролигига эга бўлганимдан сўнг эшиклар очилди, аммо муносабатлар ўзгармади.

Бир куни мактаб ошхонасида таом йўқолди. Ўқитувчилар ҳеч қандай суриштирувсиз мендан кўрдилар. Ҳеч қачон эсимдан чиқмайдиган яна бир воқеа бўлган шундан сўнг йиғламай қўйдим.

Уй ишларимни бажариб бўлгач, ҳовлига болалар билан футбол ўйнагани чиқдим. Мен "Салом болалар, ўйнаймизми?" дедим. Улар "Йўқ, Марио, сен биз билан ўйнамайсан" дейишди. Мен уларга уй ишларимни бажариб бўлганимни айтдим, улар шундай дедилар: "Йўқ, Марио, сен билан ўйнамаймиз, чунки сен - қорасан".

Улар мен қоралигим учун қабул қилишмаган эди. Мен ўзимнинг уришқоқ эканим учун қўшмаяптилар, деб ўйлагандим. Аммо кечроқ ҳаммасини билиб олдим.

Улғайганимдан сўнг, 2009 йилда ҳам ирқчиликка дуч келдим. "Ювентус" - "Интер" ўйинида мени "маймун", "нигер" деб чақиришди ва Африкага қайтиб кетишимни айтишди", - дейди Балотелли.