Rossiyaning Sankt-Peterburg shahrida boks bo‘yicha nufuzli «Gubernator Kubogi» musobaqasi yakuniga yetdi.
Musobaqa finalida yetti nafar bokschimiz ringga chiqishi haqida xabar berib o‘tgandik. O‘tkazilgan jang yakunlariga ko‘ra, to‘rt nafar vakilimiz g‘alaba qozonib, musobaqaning oltin medaliga sazovor bo‘ldi. Uch bokschimiz esa kumush bilan yurtimizga qaytadigan bo‘ldi. Yana uch nafar hamyurtimiz bronza medalini qo‘lga kiritganligi haqida esa avval xabar berib o‘tgandik.
Final janglari:
-49 kg: Hasanboy Do‘smatov – Bator Sagaluyev (Rossiya) 2:3
-56 kg: Shahobiddin Zoirov – Miraziz Mirzahalilov 0:5
-60 kg: Shunqor Abdurasulov – Albert Batirgaziyev (Rossiya) 1:4
-75 kg: Isroil Madrimov – Gleb Bakshi (Rossiya) 5:0
-81 kg: Bektemir Meliqo‘ziyev – Georgiy Kushitashvili (Rossiya) 3:2
+91kg: Bahodir Jalolov – Vladislav Muravin (Rossiya) (Bahodir ikkinchi raundda raqibini nokaut qildi)
Yarim finalda mag‘lub bo‘lgan Jasurbek Latipov, Iqboljon Xoldorov va Sanjar Tursunovlar bronza medaliga sazovor bo‘lishdi.
Bokschilarimiz musobaqa yakunlariga ko‘ra umumjamoa hisobida ikkinchi o‘rinni qo‘lga kiritdilar.
