"Yuventus" klubi agar jamoani Gonsalo Iguain tark etadigan bo‘lsa, "Bavariya" hujumchisi Robert Levandovskini olmoqchi, deya xabar beradi Corriere dello Sport.
Avvalroq, Iguain "Inter"dagi Mauro Ikardiga almashtirilishi haqida xabarlar tarqalgan edi.
Manbaga ko‘ra, Levandovski yangi chaqiriqlar istamoqda va myunxenliklar safidan zerikkan. Uning "Bavariya" bilan shartnomasi 2021 yilgacha tuzilgan.
Avvalroq futbolchining agenti "Pari Sen-Jermen", "Chelsi" va "Manchester Yunayted" bilan muzokara olib borayotgani xususida fikr bildirgan edi.