Respublikamiz xududlari bo‘ylab tashkil qilinayotgan Oliy ta’lim muassasalari talabalari o‘rtasidagi futbol bo‘yicha “O‘zbekiston futbol assosiasiyasi Kubogi” musobaqasining 2-bosqich Farg‘ona mintaqasi o‘yinlari nihoyasiga yetgani xaqida futbol muxlislariga xabar berib o‘tgan edik.

Ushbu musobaqaning Samarqand, Xorazm viloyatlari va Toshkent shahrida o‘tkazilgan navbatdagi o‘yinlarida ham mintaqa g‘oliblari aniqlandi. Xususan, Samarqand shahrida o‘tkazilgan o‘yinlar natijasiga ko‘ra 1-o‘rin Samarqand iqtisodiyot va servis instituti, 2-o‘rin Qarshi Davlat universiteti talabalaridan iborat jamoalarga nasib etdi.

Urganch shahrida bo‘lib o‘tgan o‘yinlarda 1-o‘rinni Urganch Davlat universiteti, 2-o‘rinni Nukus Davlat pedagogika instituti jamoalari qo‘lga kiritishdi.

Toshkent xududiy bosqichida 1-o‘rin Toshkent irrigasiya va qishloq xo‘jaligi mexanizasiyalash muxandislari instituti, 2-o‘rin O‘zbekiston Davlat jahon tillari universiteti hamda 3- o‘rin Guliston Davlat universiteti talabalariga nasib qildi.

Musobaqaning so‘nggi 3-bosqichi ya’ni final o‘yinlari sentyabr oyida Toshkent shahrida tashkil qilinadi. Final o‘yinlarida xududiy bosqichda 1-o‘rinni egallagan jamoalar ishtirok etishadi.