Республикамиз худудлари бўйлаб ташкил қилинаётган Олий таълим муассасалари талабалари ўртасидаги футбол бўйича “Ўзбекистон футбол ассоциацияси Кубоги” мусобақасининг 2-босқич Фарғона минтақаси ўйинлари ниҳоясига етгани хақида футбол мухлисларига хабар бериб ўтган эдик.

Ушбу мусобақанинг Самарқанд, Хоразм вилоятлари ва Тошкент шаҳрида ўтказилган навбатдаги ўйинларида ҳам минтақа ғолиблари аниқланди. Хусусан, Самарқанд шаҳрида ўтказилган ўйинлар натижасига кўра 1-ўрин Самарқанд иқтисодиёт ва сервис институти, 2-ўрин Қарши Давлат университети талабаларидан иборат жамоаларга насиб этди.

Урганч шаҳрида бўлиб ўтган ўйинларда 1-ўринни Урганч Давлат университети, 2-ўринни Нукус Давлат педагогика институти жамоалари қўлга киритишди.

Тошкент худудий босқичида 1-ўрин Тошкент ирригация ва қишлоқ хўжалиги механизациялаш мухандислари институти, 2-ўрин Ўзбекистон Давлат жаҳон тиллари университети ҳамда 3- ўрин Гулистон Давлат университети талабаларига насиб қилди.

Мусобақанинг сўнгги 3-босқичи яъни финал ўйинлари сентябрь ойида Тошкент шаҳрида ташкил қилинади. Финал ўйинларида худудий босқичда 1-ўринни эгаллаган жамоалар иштирок этишади.