Ravshan Haydarov murabbiyligidagi O‘zbekiston olimpiya terma jamoasi 4 iyun kunidan boshlab 24 nafar futbolchidan iborat tarkib bilan yig‘inga kirishgani haqida avval xabar berib o‘tgandik.
Olimpiyachilarimiz “Chig‘atoy” sport bazasida yashab, “Bunyodkor” stadionida mashg‘ulot olib bormoqdalar.
Terma jamoamiz vakillarining jismoniy holatini nazoratdan o‘tkazish uchun bugun O‘zbekiston futbol assosiasiyasining Ilmiy-uslubiy bo‘limi xodimlari tomonidan ulardan test sinovlari olindi.
Ravshan Haydaro shogirdlari 6 iyun kuni Toshkentning “Lokomotiv”, 7 iyun kuni esa Bekobodning “Metallurg” jamoalari bilan nazorat uchrashuvlari o‘tkazishi rejalashtirilgan.
