Равшан Ҳайдаров мураббийлигидаги Ўзбекистон олимпия терма жамоаси 4 июнь кунидан бошлаб 24 нафар футболчидан иборат таркиб билан йиғинга киришгани ҳақида аввал хабар бериб ўтгандик.
Олимпиячиларимиз “Чиғатой” спорт базасида яшаб, “Бунёдкор” стадионида машғулот олиб бормоқдалар.
Терма жамоамиз вакилларининг жисмоний ҳолатини назоратдан ўтказиш учун бугун Ўзбекистон футбол ассоциациясининг Илмий-услубий бўлими ходимлари томонидан улардан тест синовлари олинди.
Равшан Ҳайдаро шогирдлари 6 июнь куни Тошкентнинг “Локомотив”, 7 июнь куни эса Бекободнинг “Металлург” жамоалари билан назорат учрашувлари ўтказиши режалаштирилган.
