Futbol bo‘yicha jahon chempionati-2018 tobora yaqinlashmoqda - 9 kun! Ushbu chempionat oldidan musobaqa tarixidagi statistikalarga to‘xtalamiz, deb yozadi FIFA.com
O‘zbekistonlik hakam Ravshan Ermatov Jahon kubogi musobaqalarida 9 ta o‘yin boshqargan - bu mundial tarixida boshqa istalgan hakamdan ko‘proq demakdir. U birinchi bor jahon chempionatida mezbon - JAR va Meksika terma jamoalari o‘rtasida JCH-2010 ochilish uchrashuvini boshqargan edi. U bu musobaqada yana to‘rt o‘yinni boshqardi, shu jumladan Golandiya va Urugvay o‘rtasidagi yarimfinal uchrashuvini.
Ermatov o‘z hisobiga 2014 yilda Braziliyada o‘tgan jahon chempionatida yana to‘rtta o‘yinni qo‘shib qo‘ydi va mundiallarda 8tadan o‘yin boshqargan fransiyalik Joel Kiniu, meksikalik Benito-Artundiya va urugvaylik Xorxe Larriondani ortda qoldirdi.
Ermatov 2003 yilda FIFA referisi bo‘lgan va shundan buyon uning qobiliyati va obro‘si ortib bordi. Jahon chempionatlaridan tashqari, OCHLning to‘rt finali, Klublar o‘rtasida JCHning ikkita finali va Osiy Kubogi finali va ko‘plab yirik o‘yinlarni xotirjamlik va ishonch boshqargan. Ravshan Rossiyada o‘tadigan jahon chempionatida o‘z rekordini yangilash uchun yaxshi imkoniyatga ega, u JCH-2018 o‘yinlarini boshqaradigan hakamlar ro‘yxatiga kiritilgan.
