Футбол бўйича жаҳон чемпионати-2018 тобора яқинлашмоқда - 9 кун! Ушбу чемпионат олдидан мусобақа тарихидаги статистикаларга тўхталамиз, деб ёзади FIFA.com
Ўзбекистонлик ҳакам Равшан Эрматов Жаҳон кубоги мусобақаларида 9 та ўйин бошқарган - бу мундиал тарихида бошқа исталган ҳакамдан кўпроқ демакдир. У биринчи бор жаҳон чемпионатида мезбон - ЖАР ва Мексика терма жамоалари ўртасида ЖЧ-2010 очилиш учрашувини бошқарган эди. У бу мусобақада яна тўрт ўйинни бошқарди, шу жумладан Голандия ва Уругвай ўртасидаги яримфинал учрашувини.
Эрматов ўз ҳисобига 2014 йилда Бразилияда ўтган жаҳон чемпионатида яна тўртта ўйинни қўшиб қўйди ва мундиалларда 8тадан ўйин бошқарган франциялик Жоэль Киниу, мексикалик Бенито-Артундия ва уругвайлик Хорхе Ларриондани ортда қолдирди.
Эрматов 2003 йилда ФИФА рефериси бўлган ва шундан буён унинг қобилияти ва обрўси ортиб борди. Жаҳон чемпионатларидан ташқари, ОЧЛнинг тўрт финали, Клублар ўртасида ЖЧнинг иккита финали ва Осий Кубоги финали ва кўплаб йирик ўйинларни хотиржамлик ва ишонч бошқарган. Равшан Россияда ўтадиган жаҳон чемпионатида ўз рекордини янгилаш учун яхши имкониятга эга, у ЖЧ-2018 ўйинларини бошқарадиган ҳакамлар рўйхатига киритилган.
