Xabaringiz bor, ikki qo‘shni mamlakatlar o‘rtasidagi munosabatlarni yanada yaxshilash, sport sohasida ham hamkorlik va tajriba almashishni yo‘lga qo‘yish maqsadida O‘zbekiston va Qirg‘iziston futbol ligalari har ikki mamlakatning "Neftchi" jamoalari o‘rtasida o‘rtoqlik o‘yini o‘tkazishga kelishib olgan edi. 

Bugun Qirg‘izistonning Jalolobod shahrida joylashgan "Qurmanbek" stadionida Qo‘chqorotaning “Neftchi” klubi Farg‘onaning “Neftchi” jamoasini qabul qiladi. Erta tongdan qo‘shni mamlakatga yo‘l olgan farg‘onaliklar tushdan so‘ng Jalolobodga yetib borishdi. Ularni qo‘shni mamlakat chegarasida Qo‘chqorotaning “Neftchi” klubi vakillari kutib olishdi. 

Uchrashuv bizning vaqtimiz bilan soat 17:00da start oladi. O‘yinni Qirg‘izistonning eng nomdor hakamlar guruhi boshqarib boradi. O‘yin bosh hakami – Dmitriy Mashensev. 

O‘rtoqlik o‘yini

"Neftchi" (Qo‘chqor-ota, Qirg‘iziston) – "Neftchi" (Farg‘ona, O‘zbekiston)

Nazoratchi: Muxtor Qo‘shoqov 

Bosh hakam: Dmitriy Mashensev

Qanot hakamlari: Ismoil Tolipjonov,  Bahodir Qo‘chqorov.

Zaxira hakami: Erlan Norboyev