“Tottenxem” klubi hujumchisi Xarri Keyn “shporlar” bilan shartnomasini uzaytirganidan hursandligini aytdi.

“Mamnunman.  Bu jamoada bir nechta ajoyib mavsumni boshimdan o‘tkazdim va kelajakda nima bo‘lishini sabrsizlik bilan kutmoqdaman. 

Yangi o‘yingohni tezroq ko‘rishni istayman. Birinchi o‘rinda, shu jamoada rivojlanishni xohlayman.

Biz doimo chempionlar ligasiga chiqamiz va bizda g‘alaba qozinish uchun yana bir imkonimiz bor. Maqsadimiz Angliya premyer-ligasida, Angliya kubokida va boshqa musobaqalarda uzoqroqqa borish.

Rivojlanishda davom etishimiz lozim. Buni amalga oshirish uchun jon- dildan harakat qilamiz.  Jahon chempionati oldidan bu savolga yechim topganimizdan hursandman.

Endi xotirjam zavq olib o‘ynashim mumkin”, - deydi Keyn.