Samarqand shahridagi «Delfin» suzish havzasida o‘smirlar va yoshlar o‘rtasida O‘zbekiston yozgi Ochiq chempionati nihoyasiga yetdi.
Bahslarda mamlakatimizning barcha viloyatlaridan 464 nafar sportchi o‘z omadini sinab ko‘rdi. Musobaqa yakuniga ko‘ra, umumjamoa hisobida Samarqand jamoasi birinchi o‘rinni qo‘lga kiritdi. Ikkinchi o‘rinni Toshkent shahri jamoasi band etgan bo‘lsa, uchinchi pog‘ona Navoiy viloyatidan tashrif buyurgan sportchilarga nasib qildi.
Qayd etib o‘tish lozimki, ushbu musobaqa orqali O‘zbekiston o‘smirlar va yoshlar terma jamoasi uchun iqtidorlar saralab olindi.
