Superliganing15-turi doirasidagi Namanganning “Navbahor” hamda Qo‘qonning “Qo‘qon-1912” jamoalari o‘rtasidagi “vodiy derbisi” uchrashuvidan oldin har ikki jamoa vakillari o‘rtasida yig‘ilish bo‘lib o‘tdi.
Unda bo‘lajak bahsni yaxshi tashkil qilishda yordam beradigan turli masalalar uchrashuv nazoratchisi Noil Lutfullin va o‘yin komissari Laziz Qo‘chqorov hamda klublar vakillari tomonidan muhokama qilindi.
Unga ko‘ra, mezbonlar bugungi o‘yinda qizil rangli libosda maydonga tushadigan bo‘lishdi. "Qo‘qon-1912" jamoasi esa havorang libosdan foydalanadi.
“Navbahor” – “Qo‘qon-1912” uchrashuvida shuningdek, Namanganning taniqli san’atkorlari ishtirokidagi konsert dasturi uyushtiriladi va muxlislarga bepul iftorlik yeguliklari tarqatiladi.
"Navbahor" - "Qo‘qon-1912" klublari o‘rtasidagi “vodiy derbisi” bugun “Markaziy" o‘yingohda soat 19:02da boshlanadi.
