Bugun PEPSI Superligada 15-tur uchrashuvlari davom ettiriladi. Kun doirasidan 4 ta o‘yin o‘rin olgan bo‘lib, “Buxoro” o‘z maydonida “Bunyodkor”ni qabul qiladi. “Nasaf” esa “Metallurg” mehmoni bo‘ladi. Shuningdek, muxlislar “Neftchi” – “Paxtakor” hamda “Lokomotiv” – AGMK uchrashuvlariga guvoh bo‘lishadi.
12 iyun (seshanba)
“BUXORO” – “BUNYODKOR”
Hakamlar: T. To‘xtasinov, A. Marajabov, Z. Abdurahmonov, K. Rasulov.
Nazoratchi – D. Roman.
Komissar – B. Namozov.
“Buxoro” o‘z maydonida “Bunyodkor”ni qabul qiladi. Mazkur jamoalar hozirga qadar milliy chempionatlarimiz doirasida 21 marta o‘zaro to‘qnash kelishgan. O‘yinlarning 17 tasida “qaldirg‘ochlar” g‘alaba qozonishgan. “Buxoro” esa faqat bitta bahsda “Bunyodkor”ni mag‘lub etgan. Yana 3 ta bellashuv durang bilan tugagan. To‘plar nisbati – 9:52.
“METALLURG” – “NASAF”
Hakamlar: X. Ro‘ziyev, A. Burov, K. Sereda, A. Xudoyberganov.
Nazoratchi – A. Popov.
Komissar – M. Saidqosimov.
Bekobodda “Metallurg” Qarshining “Nasaf” jamoasi bilan bahs olib boradi. Ushbu ikki klub hozirgacha 41 marta o‘zaro o‘yin o‘tkazishgan. Bugungi mezbonlar 10 ta, mehmonlar esa 26 ta o‘yinda zafar quchishgan. 5 ta uchrashuv esa durang bilan yakunlangan. Bekobodlik futbolchilar “Nasaf” darvozasiga 32 marta gol kiritishgan. Qarshiliklar esa raqib darvozasini 70 marta aniq nishonga olishgan.
“LOKOMOTIV” – AGMK
Hakamlar: SH. Qosimov, O. Abduvasilov, S. Shoyusupov, E. Tursunov.
Nazoratchi – S. Ermatov.
Komissar – SH. Rajabov.
“Lokomotiv” va AGMK jamoalari esa milliy chempionatlarimiz doirasida 19 ta o‘yin o‘tkazishgan. O‘yinlarning 12 tasida “Lokomotiv”, 4 tasida AGMK g‘alabaga erishgan. Yana 3 ta bahs durang bilan nihoyasiga yetgan. O‘zaro uchrashuvlardagi to‘plar nisbati 42:22ni tashkil qilmoqda.
“NEFTCHI” – “PAXTAKOR”
Hakamlar: V. Kovalenko, R. Serazetdinov, A. Usmonov, D. Jalimov.
Nazoratchi – O. Dachev.
Komissar – J. Rahmatullayev.
“Paxtakor” esa Farg‘onada “Neftchi” mehmoni bo‘ladi. Ushbu ikki jamoa qarama-qarshiliklari tarixi mustaqil O‘zbekiston chempionatlari doirasida 1992 yildan boshlanadi. Hozirga qadar “Neftchi” va “Paxtakor” 53 marta to‘qnash kelishgan. “Neftchi” 20 ta bahsni o‘z foydasiga hal etgan bo‘lsa, “Paxtakor” 25 ta o‘yinda g‘olib chiqqan. 8 ta o‘yinda esa g‘olib aniqlanmagan – durang. To‘plar nisbati – 66:90.
