Pepsi Superliganing 15-turida “Neftchi” o‘z maydonida “Paxtakor”ni qabul qildi.
Mazkur o‘yinda farg‘onaliklarning afsonaviy futbolchisi Anvar Berdiyev faoliyatidagi rasmiy 500-bahsida ishtirok etdi. Shu vaqtga qadar tajribali hujumchi O‘zbekiston chempionatlarida 499 ta uchrashuvda ishtirok etdi.
Aytish kerakki, futbolchi mazkur o‘yinlarning ko‘plab qismini qadrdon jamoasi bo‘lmish, “Neftchi” safida o‘tkazgan hamda o‘zining to‘purarlik salohiyati, bektakror o‘yinlari bilan nafaqat farg‘onalik balki butun o‘zbekistonlik muxlislarning qalbidan o‘chmas iz qoldirdi.
40 yoshli hujumchining 500-bahsi “O‘zbek Elklassiko”si hisoblanmish “Paxtakor”ga qarshi bahsga to‘g‘ri keldi. Hujumchi mazkur o‘yinda zahiradan maydonga tushdi va “Neftchi” uchun muhim bo‘lgan golga mualliflik qildi. O‘yindan so‘ng stadionda futbolchini jamoadoshlari 500 raqami tushirilgan futbolka bilan tabriklashdi.
“Neftchi” matbuot xizmati
