Germaniya va Belgiya universitetlari olimlari matematik formulalar asosida Rossiyada start olayotgan Jahon chempionati g‘olibini aniqlab ko‘rishdi.

Tahlil davomida 100 mingdan ortiq voqealarning ehtimoliy rivojlanish varianti ko‘rib chiqildi. Shuningdek, ishtirokchi mamlakatlarning yalpi ichki mahsuloti, ularning aholisi, futbolchilarning o‘rtacha yoshi, ularning natijasi kabi ko‘plab omillar inobatga olindi.

Olimlarning xulosasiga ko‘ra, musobaqada chempionlik uchun eng ko‘p imkoniyatga Ispaniya va Germaniya terma jamoalari ega. Ularning g‘oliblik uchun imkoniyati mos ravishda 17,8 va 17,1 foizga baholandi. Favoritlar orasida uchinchi pog‘onani Braziliya egalladi – 12,3 foiz. Rossiya terma jamoasining chempionlik uchun imkoniyati 0,1%ga teng deya hisoblandi.