O‘zbekiston Respublikasi Prezidentining 2018 yil 16 martdagi PQ-3610-sonli “Futbolni yanada rivojlantirish chora-tadbirlari to‘g‘risida”gi qarori bandlariga asosan, respublikamizda bolalar va o‘smirlar futbol akademiyalarini tashkil etish yuzasidan O‘zbekiston futbol assosiasiyasi tomonidan bir qator ishlar amalga oshirilmoqda. 

Bugun 18iyun kuni O‘zbekiston futbol assosiasiyasida hududiy futbol akademiyalarining direktorlik va texnik direktorlik lavozimlariga nomzodlar bilan yig‘ilish o‘tkazildi. 

Yig‘ilishda akademiyalarning ish faoliyatini tashkil etish bo‘yicha rejalar, professional futbolchilarni yetishtirish borasidagi amalga oshirilishi kutilayotgan yangi chora-tadbirlar, futbol akademiyalarida tatbiq qilinadigan yangi o‘qitish tizimlari, tarbiyalanuvchilarning tanlab olish mezonlari muhokama qilinib, nomzodlarga tegishli tavsiyalar berildi.

Ertaga 19 iyun kuni “Chig‘atoy” sport bazasida davom etadigan seminarda hududiy akademiyalarda yagona o‘qitish tizimi masalalari muhokama qilinadi.