Shvesiya terma jamoasi bosh marabbiyi Yanne Andersson JCH-2018da Janubiy Koreya bilan uchrashuvdagi g‘alaba (1:0) haqida gapirdi.
"Meksika Germaniya bilan yaxshi o‘ynadi, ammo biz hozir bu haqida o‘ylaganimiz yo‘q, hamma xayolimiz navbatdagi o‘yin bilan.
Bugun dastlabki 10 daqiqada koreyslar yaxshi o‘ynadi, keyin biz o‘z o‘yinimizni topib oldik va ishonch bilan o‘ynay boshladik.
Birinchi bo‘limdagi 0:0 hisobi meni qo‘rqitdi. Imkoniyatlar bo‘lsayu, tanaffusgacha gol ura olmasang -yoqimsiz, albatta.
Penaltiga kelsak, videotakrordan so‘ng menga hammasi ma’lum bo‘ldi. O‘yin oxirida charchab qoldik, ammo golga tortadigan vaziyatlar bo‘ldi. Natijadan xursandman", - deydi Andersson.
