O‘zbekiston Respublikasi Prezidentining 2018 yil 16 martdagi PQ-3610-sonli “Futbolni yanada rivojlantirish chora-tadbirlari to‘g‘risida”gi qarori bandlariga asosan, respublikamizda bolalar va o‘smirlar futbol akademiyalarini tashkil etish yuzasidan O‘zbekiston futbol assosiasiyasi tomonidan bir qator ishlar amalga oshirilayotganidan futbol muxlislarining xabarlari bor.
Jumladan, O‘zbekiston futbol assosiasiyasi tomonidan “Chig‘atoy” sport bazasida hududiy futbol akademiyalarining direktorlik va texnik direktorlik lavozimlariga nomzodlar uchun o‘tkazilgan seminar nihoyasiga yetdi.
Seminarda direktorlikka nomzodlarga hududiy akademiyalarda amalga oshirilishi rejalashtirilgan yagona o‘qitish tizimini tashkil etish, innovasion sistemalarni amalga tatbiq qilish, professional futbolchilarni yetishtirish borasidagi amalga oshirilishi kutilayotgan yangi chora-tadbirlar, tarbiyalanuvchilarni tanlab olish mezonlari borasida nomzodlarga tegishli tavsiyalar berildi.
