Sir emaski, suzish sport turi inson salomatligi uchun koni foyda hisoblanadi. Suvdagi mashg‘ulotlar ayniqsa yosh bolajonlar uchun foydali hisoblanadi. Shuni inobatga olgan holda, O‘zbekiston suzish federasiyasi maktabgacha ta’lim muassasalari tarbiyalanuvchilari uchun o‘ziga xos master-klass tashkil etib berdi. Unda terma jamoamizning yetakchi sportchilari maktabgacha ta’lim muassasalari tarbiyalanuvchilari uchun o‘z mahoratlarini namoyish etib, ularni qiziqtirgan savollarga javob berishdi.
Turgan gapki, tadbirdan so‘ng bolalarda sportning ushbu turi bilan shug‘ullanish istagi paydo bo‘ldi. Shu sababli, yaqin vaqt ichida bolalarni suzish va sinxron suzish sport turlari bo‘yicha shug‘ullantirish borasida muassasa rahbariyati bilan kelishuvga erishildi.
