Сир эмаски, сузиш спорт тури инсон саломатлиги учун кони фойда ҳисобланади. Сувдаги машғулотлар айниқса ёш болажонлар учун фойдали ҳисобланади. Шуни инобатга олган ҳолда, Ўзбекистон сузиш федерацияси мактабгача таълим муассасалари тарбияланувчилари учун ўзига хос мастер-класс ташкил этиб берди. Унда терма жамоамизнинг етакчи спортчилари мактабгача таълим муассасалари тарбияланувчилари учун ўз маҳоратларини намойиш этиб, уларни қизиқтирган саволларга жавоб беришди.

Турган гапки, тадбирдан сўнг болаларда спортнинг ушбу тури билан шуғулланиш истаги пайдо бўлди. Шу сабабли, яқин вақт ичида болаларни сузиш ва синхрон сузиш спорт турлари бўйича шуғуллантириш борасида муассаса раҳбарияти билан келишувга эришилди.